Skúlanet
Kunning til fyrisiting og KT vørðar
Her á síðuni finnur tú kunning um Skúlanet til KT vørðar og starvsfólk í fyrisitingini. Um tú hevur ivmál kanst tú seta teg í samband við kt-hjálpina á telefon 610 900.
Ábyrgdin hjá Gjaldstovuni
- Umsita netini og netútgerð skúlans.
- Umsita skúlateldur og Chromebooks til næmingar og starvsfólk.
- Umsita prentarar, tó so at skúlin kann hava avtalu við uttanhýsis veitara um blekkpatrónir o.s.fr.
- Innlima nýggjar teldur/Chromebooks (send KT Skivuni fráboðan).
- Umsita Skjalhald.
- Umsita trygdarpakkan.
- Umsita brúkarahjálpina, KT Skivan.
Ábyrgd skúlans
KT vørður skúlans / úrvalsbrúkarin hevur ábyrgd av at m.a.:
- leggja inn serforrit
- hjálpa við at seta upp skermar, mýs, knappaborð og talvur
- greina og tulka feilir og rætta teir, um til ber
- skráseta feilir og trupulleikar til KT Skivuna
- samskifta við KT Skivuna um uppgávur og fylgja upp
- kunna brúkarar um loysnir og trupulleikar
- kanna at skipanir virka sum tær skulu, aftaná at tillaging og/ella uppstigað er
- fyrireika royndar- og próvtøkuvirksemi
- tryggja røttu handfaran og goymslu av skúlans dátum
- keyp av teldum/Chromebooks v.m.
- tryggja at nøktandi ferð er á netinum á skúlanum/undirvísingarstovninum
- útvega hjálp og vegleiðingar til nýggjar næmingar, ið skulu á Skúlanet
- tryggja at næmingar og lesandi hava hóskandi amboð við til skúlabrúk/royndir
- um øll skulu hava eitt ávíst forrit, kann KT vørðurin biðja KT Skivuna leggja forritið út til øll starvsfólk við Firma Portal/Company Portal.
Broyt loyniorð til skulin.fo kontu
- Far á: portal.office.com
- Skriva loyniorðið til tína skulin.fo kontu, ið tú síðan verður biðin um at broyta.
- Nýtt loyniorð skal vera minst 8 tekn og lúka 3 av hesum 4 krøvum:
- Stórar stavir - ABCDE o.s.fr.
- Smáar stavir - abcde o.s.fr.
- Tøl - 0 - 9
- Tekn - !”#¤%&/()=
Nýggjar teldur ella Chromebooks
Tá ið tit fáa nýggjar teldur/Chromebooks til skúlan, mugu hesar limast inn í Skúlanet fyri at sleppa á starvsfólkanetið og næminganetið.
Gevið KT Skivuni boð í góðari tíð.
Nýggir prentarar og talgildar talvur
- Talvur og prentarar skulu um møguligt vera á netinum við káplum.
- Talvur og prentarar skulu á netið ‘Tolnet’.
- Talvur og prentarar skulu limast inn í Skúlanet. Boða KT Skivuni frá nýggjum eindum og kunna um:
- Prentarar: Mac adressuna, modellið, t.d. Xerox xxx.
- Talvur: Mac adressuna, modellið t.d. Clevertouch og um talvan er á kápilnetinum.
Prent uppsesting
- Prentarar skulu helst vera á netinum við káplum.
- Leiðslan hevur við innliman eyðmerkt, hvør tað er sum skal sleppa at prenta t.d. bert starvsfólk ella eisini starvsfólk og næmingar.
- Bólkar at velja ímillum: a) leiðsla og fyrisiting b) øll starvsfólk og c) næmingar.
- Ásetast kann fyri hvønn prentara, um tað bara er ein av hesum ella øll, sum skulu sleppa at prenta.
- Í Skúlaneti er gjørligt at hava skanna til teldupost (scan-to-mail). Funkan at skanna til fílu er ikki tøk.
- Prentarar, ið hava havt møguleikan at skanna til teldupost áðrenn Skúlanet, fara framvegis at hava hesa funku.
- Nakrir prentarar kunnu ikki skanna til teldupost.
- Prentarar liggja á prentservarum. Uttanhýsis veitarar kunnu fáa atgongd til teir, so teir kunnu síggja blekk status v.m.
- Prent fyrispurningar fara frá telduni – umvegis prentservara – til prentaran.
Prent loysnir
Prent frá Gestir-P netinum
- Prentarar verða skrásettir Í NAC (Network Access Control), og NAC sigur Firewall’inum frá, at talan er um ein dynamiskan bólk. Tá prentararnir so eru innlimaðir í NAC, er ein áseting í Firewall’inum sum sigur, at Gestir-P skal loyva hesari ferðsluni gjøgnum portur umvegis IP adressurnar í dynamiska bólkinum.
- Um prentarin fer í dvala, tømir NAC’urin dynamiska bólkin við øllum IP adressunum, tí hann ikki finnur prentarin í Firewallinum, tá prentarin er farin í dvala. Tá ber ikki til at prenta.
- Uppgávurnar sum verða stovnaðar, so hvørt skjøl verða send at skriva út, verða allar strikaðar, tí ongin prentari er at finna.
- Gjaldstovan royndarkoyrir í løtuni eina loysn, har prentuppgávur fara beinleiðis frá teldum til prentarar.
Rita inn í Skúlanet
Ein fyritreyt fyri at starvsfólk og næmingar kunnu rita inn í Skúlanet er at:
- At tit hava stovnað starvsfólk og næmingar í Kervi/Skúlaneti
- næmingar í Fólkaskúlunum rita inn við loyniorðinum úr Kervi
- starvsfólk og lesandi rita inn á portal.office.com við sínum fyribils loyniorð, og broyta tað til sítt egna.
Rita inn við Chromebooks
Í Skúlaneti skulu Chromebooks vera eyðmerktar til ávísar næmingar fyri at gera tað lætt at rita inn:
- Fyrstu ferð ein næmingur skal brúka eina Chromebook, verður farið gjøgnum 8-10 stig av stillingum, áðrenn næmingurin sleppur í gongd. Hetta er bara neyðugt fyrstu ferð at ritað verður inn, og tit fáa vegleiðing til frá okkum.
- Næstu ferð at næmingur ritar inn á somu Chromebook, er tað lætt: Tá verður ritað inn við loyniorðinum til skulin.fo kontu sína.
- Tá Chromebooks ikki eru eyðmerktar til ávísar næmingar, er vandi fyri, at næmingarnir skulu gjøgnum øll 8-10 stigini fleiri ferðir.
Tá fleiri flokkar eru um somu Chromebooks.
- Loysn: Set nummarrøð á hvørja einstøku Chromebook, so at børnini hava eina fasta Chromebook.
So t.d. Ása í 3. flokki, Bjarni í 4. flokki og Áki í 5 flokki hava altíð Chromebook nr. 1.
Gott at vita
- Um ein starvsfólkatelda biður um loyniorð fyri at sleppa á starvsfólkanetið, so er okkurt er galið við uppsetingini av telduni. Ring til KT Skivuna tlf. 352490.
(Í Skúlaneti er einki loyniorð til starvsfólkanetið)
- Um ein telda hevur hug at fara á gestanetið heldur enn at vera á t.d. næminganetinum ella starvsfólkanetinum har hon eigur.
Loysn: Trýst á internet ikonið niðast í høgra hornið á telduni.
Høgraklikkja á Gestanet og vel “Glem netværk”.
So gloymir teldan gestanetið og fer ikki av sær sjálvum aftur yvir á tað.
