Leiðslan hevur orðið

Um skúlan     Fyrisiting    Skúlastýrið    Lærarar    Næmingar    Slóðir    Fartelefonir   Ársráðlegging

Byrjanarsíðan

Skúlin á Ziskatrøð

700 Klaksvík

Tlf. 45 50 25/225025

Ein góður skúli

Í Skúlanum á Ziskatrøð ganga umleið 400 næmingar. 38 lærarar starvast i skúlanum, ein skrivari og ein skúlavørður. 2 heilsusystrar eru knýttar at skúlanum. Ikki færri enn 8 nýggir  lærarar vórðu settir í starv hetta skúlaárið, og leiðsla skúlans er somuleiðis nýggj.

Skúlin leggur dent á, at næmingar, lærarar og starvsfólk skúlans trívast væl í skúlanum, samstundis sum næmingarnir fáa væl burtur úr fakliga.

Eitt gott samstarv við foreldur at okkara næmingum verður raðfest ovarlaga.

Dagliga skúlagongdin byrjar klokkan átta á morgni, og eiga næmingarnir at møta stundisliga upp og   væl upplagdir.

Dagurin byrjar við morgunsangi, andakt og upplestri, ið lærarar og næmingar í felag skipa fyri.

Rættiliga nógv er gjørt seinastu tíðina fyri at skapa størri trivnað í skúlanum. Skúlagarðurin er fríðkaður, spøl eru teknað á asfaltið, klintriveggur er gjørdur og graslíki er lagt á í parti av ovara skúlaplássi.

Inni í skúlanum verða ábøtur gjørdar, veggir verða fríðkaðir av næmingum og lærararum, alt við tí endamáli at skapa størri trivnað.

Skúlin á Ziskatrøð samstarvar við Tekniska skúla í Klaksvík, har okkara næmingar fáa roynt seg í nýggjum lærugreinum.

Somuleiðis hevur skúlin gjørt eina samstarvsavtalu við Fuglafjarðar skúla. Samstarvið fevnir um lærugreinirnar motorlæru, sjóvinnu og drama.

Samstarvið millum Òsáskúlin og Skúlan á Ziskatrøð  riggar væl og verður styrkt uppaftur meira í framtíðini.

Skúlin ynskir eitt gott samstarv við øll tey, ið hava tilknýti til skúlan.

Heimasíða skúlans verður nú dagførd í bitum, og ætlanin í framtíðini er at hava eina meir virkna og góða heimasíðu, ið lærarar, næmingar og foreldur kunnu hava gleði av.

Skúlin leggur alla sína orku í, at næmingar fáa væl burtur úr skúlagongdini, um somu tíð sum teir trívast væl í skúlanum. Á henda hátt náa vit málinum um ein góðan skúla.  

Spurningurin um, á hvønn hátt næmingarnir fáa sum  mest burtur úr síni undirvísing, hevur verið og verður nógv umrøddur. Fyri mongum árum síðani varð farið undir toymisundirvísing í framhaldsskúlanum, og hevur hon riggað sera væl.

Arbeitt verður framhaldandi við at fremja broytingar í barnaskúlanum, so undirvísingin gerst uppaftur betri.

Ì hesum døgum verður evnið happing nógv umrøtt. Okkara skúli hevur gjørt nógv fyri at steðga hesum keðiliga fyribrigdi, og tað ætlar hann framhaldandi at gera.Ósáskúlin og okkara skúli eru farnir at samstarva um nevnda mál.