Kirkjan

Tann fyrsta kirkjan, sum var á Viðareiði, bleiv bygd onkuntíð í 1600 talinum, halda fólk. Tann fyrsta kirkjan skolaði út av brimi, av tí at hon stóð so langt úti á bakkanum. Í 1709 bleiv ein nýggj kirkja bygd í staðin fyri hana, sum fórst av brimi. Tær gomlu kirkjurnar á Viðareiði hildu bara í uml. 60 ár, tí at tilfarið var so vánaligt tá í tíðini.

Kirkjan, sum stendur niðri á Bakka í dag er bygd í 1892, hon hevur nú staðið í yvir 100 ár. Kirkjan á Viðareiði hevur hildið so leingi, tí hon er bygt av góðum tilfari, sum gróti og timbri. Menninir av Viðareiði, Hvannasundi, Norðtoftum, Depli, Norðdepli, Fossá og Múla arbeiddu sera hart við at byggja kirkjuna: Hvør maður bar 24 stórar steinar um mánaðin til nóg mikið var av gróti til alla kirkjuna. Timburið bleiv siglt úr Norra til Føroyar.

Óhapp

Í kirkjuni eru hend tvey óhapp  tá ið teir skuldu taka eina kirkju niður. Tað fyrsta óhappið, sum hendi var, at ein veggur datt niður yvir ein mann, og hann doyði. Tað næsta óhappið var, at ein maður skuldi taka loftið niður, men hann datt av einum bjálka og doyði.

Kirkjugarðar

Tann gamli kirkjugarðurin, sum er rundan um kirkjuna, verður ikki brúktur longur. Í 1930'unum bygdu tey ein nýggjan kirkjugarð, sum stendur í bønum nakað væl eystan fyri kirkjuna.