Viðareiði

Viðareiði er ein umleið 1000 ára gomul bygd og tann norðasta bygdin í Føroyum.

Fyrr í tíðini var rekaviður ein týðandi táttur fyri føroyingar. Á Viðoynni er ein vík, sum er eitt gott rekapláss. Víkin hevur fingið navnið Viðvík, tí har er so nógvur viður. Fólk úr Svínoy, Fugloy og aðrastaðni leitaðu eftir reka har, men fólk hava ikki búsett seg í Viðvík. Hví so er, ber ikki til at siga, men hugsast kann, at tað er tí, at tað ikki ber so væl til at flota har, og fólk hava síðani búsett seg á tí næsta plássinum á somu oyggj.

Hetta eiðið hevur síðani fingið navnið Viðareiði.