Matsteðgur er kl 11.25 - 11.50.
Teir fyrstu 15 min. sita næmingarnir í stovu síni og eta matpakka. Síðan verður farið í fríkorter.

Mjólk
Skúlin hevur mjólkarskipan, mjólkin er í ¼ l pakkum og er hálvskúmað.

Bøkur
Næmingar eiga at leggja pappír um allar bøkur. Verður bók burtur, rindar næmingurin sjálvur ta nýggju.

Telefonketur
Flokkarnir hava hvør sína telefonketu

Royking
Tað er ikki loyvt at roykja á skúlans øki

Fartelefonir
Fartelefonir mugu ikki vera frammi í tímunum

Evnisdagar
Einaferð um árið verður skipað fyri felags evnisdøgum fyri allan skúlan. Tímatalvan verður løgd til viks og arbeitt verður burturav við einum ella fleiri evnum.

Morgunsangur
Morgunsangur er í skúlahøllini hvønn morgun kl. 9.20

Fráverur
Protokol verður førd í hvørjum flokki. Einaferð um mánaðin verður gjørt upp. Í ummælisbókunum, sum næmingarnir í 7-10 fl. fáa tríggjar ferðir árliga, verður kunnað um fráverurnar hjá hvørjum einstakum næmingi.

Føstulávintshald
Hósdagin fyri føstuinngang dansa vit føroyskan dans í 3. ella 4. tíma. Mánadagin verður skipað fyri føstulávintshaldi. Skipað er soleiðis fyri, at árgangirnir hava hvør sína tunnu. Kl. 8.00 - 9.30 er sminkuverkstaður, har til ber at fáa ráðgeving.Tunnuslátturin byrjar kl. 10. Kattakongurin verður krýndur eftir slátturin. Tá ið liðugt er at sláa, hava næmingarnir frí.

Garðvaktir
Í fríkorterunum hava lærarar garðvakt eftir fastløgdari skipan, sum er galdandi alt árið. Lærarar ganga vakt úti í garðinum og annars á øllum lonunum.

Inniloyvi
Allir næmingar hava innloyvi, t.v.s, at teir hava loyvi til at vera inni í skúlastovunum í fríkorterunum. Tó verða dyrnar læstar eftir at næmingarnir hava etið matpakkan.

Skemafría vikan
Meðan munnliga ársroyndin er í juni mánað, verður vanliga tímatalvan niðurløgd. Nógvir lærarar eru bundnir av ársroyndini, antin sum lærarar ella sum próvdómarar. Næmingarnir eru í skúla kl. 8.00-12.00 saman við einum ella tveimum lærarum. Vanligt er eisini at gera útferðir hesa vikuna, bæði smærri útferðir í nærumhvørvinum, men eisini er vanligt at fara út á bygd við teimum størru næmingunum. Frá 6. til 13. juni er undirvísingin skipað í verkstøð. 14. til 23. juni verður arbeitt við ymsum evnum.