Samstarv millum skúla og heim

Samstarv millum skúla og heim.

Í Leirvík

Skúlin ásannar at í samstarvinum millum heim og skúla liggja nógvir møgleikar at menna hin einstaka næmingin og skúlan allan.

Tað er tí av stórum týdningi at arbeiða við at menna hetta samstarv.

Skúlin vil geva næmingunum:

· Góðar møguleikar at læra

· Tryggar karmar at virka undir

· Góðar møguleikar at spæla

Hetta verður gjørt fyri at skapa umstøður, sum gera, at næmingarnir læra, trívast og mennast bæði fakliga, sosialt og kropsliga.

Skúlin hevur tí valt at seta orð Hans Andriasar “Gakk tú tryggur fram við góðum treysti” sum eina yvirskrift yvir alt virki sítt.

Skúlin væntar .

av foreldrunum

At tey syrgja fyri, at børnini eru væl fyri, tá ið tey koma í skúla.

At tey eru væl svøvnt
At tey hava etið
At tey hava tey neyðugu amboðini við, og at tey hava gjørt heimasetningin
At tey eru ílatin, so tey kunnu fara út, eisini um veðrið er eitt sindur ilsligt.
At klæði og skógvar og taskur eru soleiðis, at næmingurin maktar tey, og at tað ikki tekur ov langa tíð at lata seg í og úr, og at gera taskuna klára.

§ At klæði, skógvar o.a. skal vera merkt týðiliga, so eingin ivi er um, hvør eigur tey.

At hava við

í skúla Allir næmingar eiga at hava:

Minst ein helst tveir blýant
Penn
Lineal
Viskileður
Litblýantar.

Frá 4. flokki eiga teir eisini at hava:

Tríhyrning
Vinkulmátara
Passara

Lærarin/flokslærari kann bjóða foreldrunum at vera við/ luttaka í undirvísingini.

Foreldur eiga at boða frá, um hendingar eru í familjuni, sum kunnu ávirka skúlagongdina ella atburðin hjá næminginum. Flokslærarin sigur á kunnandi foreldrafundi, nær heimini kunnu koma í samband við hann( telefonnr. o.a.).

Foreldrafundir

Kunnandi foreldrafundur fyri hvønn flokk er í aug/sep. Endamálið er m.a. at kunna um lærarar, toymi, lærugreinir, námsfrøði og ætlað tiltøk í skúlaárinum, og ráðleggingina av undirvísingini.

Foreldraráð

Foreldraráð eiga at vera í hvørjum flokki. Í ráðnum sita minst tríggir limir. Foreldraráðið verður valt á foreldrafundinum í aug/sep. mánað

Foreldraráðið skipar fyri minst einum familjutiltaki í skúlaárinum, ið verður lagt inn í ársætlanina.

Foreldraviðtala

Lærarar hava fund við hvørt einstakt foreldur eina avtalaða tíð. Viðtalan eigur at vera beint aftaná jólafrítíðina. Endamálið við foreldraviðtaluni er at fáa so skilagott og væl skipað samskifti sum gjørligt við heimini og at fáa fram, hvat foreldur og lærarar vænta sær av hvørjum øðrum. Eisini verður miðað eftir í felag at stimbra næmingin á besta hátt. Møta foreldur ikki upp til foreldraviðtaluna, skal flokslærarin á annað hátt seta seg í samband við tey.

Kunningarbókling

Skúlin gevur út ein kunningarbókling, sum næmingarnir fáa, tá skúlagongdin byrjar

Boð til heimið/næmingin

Øll týðandi boð verða givin skrivliga, antin sum skriv ella sum boð í setningsbókina

Øll boð til 1. og 2. flokk eiga at vera skrivlig.

Boð- og setningsbók

Hvør næmingur fær eina Minn meg á bók frá skúlanum

Bókin er ein hjálp hjá næminginum at fylgja við, hvat hann eigur at gera av heimaarbeiði. Eisini er bókin hent hjá foreldrum, tá tey vilja kanna eftir, um tað er gjørt, sum skrivað stendur í bókini. Foreldrini kunnu eisini skriva í boðbókina, um okkurt er at gera vart við.

Uppmøting

Flokslærarin fylgir við uppmøtingini hjá næmingunum. Tá frávera er, ella næmingur kemur ov seint, skal flokslærarin hava skriv um orsøkina. Flokslærarin setur seg í samband við heimið tá:

· næmingur er burtur uttan at boðað er frá

· ofta er burtur

· ofta er ov seinur

Umdømi

2 ferðir um árið kunnar flokslærarin heimini um fakliga førleikan, arbeiðsgongdina og trivnaðin hjá barni teirra. Henda kunning verður gjørd í samráð við hinar lærararnar hjá flokkinum.

Fríloyvi Um næmingur skal hava frí, eigur altíð at vera biðið um loyvi frammanundan:

· 1 ella 2 dagar: verður biðið um loyvi frá flokslæraranum

· 3 til 5 fylgjandi skúladagar: verður biðið um loyvi frá skúlaleiðaranum

· meira enn 5 fylgjandi skúladagar: verður biðið um loyvi frá skúlastýrinum. Foreldrini seta seg í samband við flokslæraran, so tey kunnu fáa at vita hvørjar bøkur tey skulu taka við, og hvussu heimasetningurin kann skipast, meðan barnið er burturi.

Heimasíða

Meira fæst at vita um skúlan og skúlastýri á heimasíðu skúlans