Ungdómstingið 2010

Aftur í ár varð skipað fyri Ungdómstingi, sum var í døgunum 8. og 9. februar. Hetta er triðju ferð, at ungdómsting verður hildið í Føroyum, og í ár var ungdómstingið mannað m.a. við næmingum úr 8. flokki í Hoyvík. Hesi vóru: Katrín Dahl Hanusson, Andreas Samuelsen, Laila Midjord, Sudarat Niyomtham, Niclas Vágsheyg Brixen og Hávarður Guttesen. Hesi settu uppskot fram um at broyta ferðslulógina um prutl. Les uppskotið her. Uppskotið varð samtykt.

Endamálið við Ungdómstinginum er:

• at geva næmingunum størri innlit í fólkaræðið
• at læra næmingarnar at vera ein virknari part av fólkaræðinum
• at vísa næmingunum í praksis, hvussu avgerðarmannagongdir virka í einum fólkaræði
• at geva næmingunum innlit í, hvør leikluturin hjá Løgtinginum er, og hvat arbeiðið hjá Løgtinginum fevnir um.