4. oktober 2011

Góðu næmingar og foreldur.

Nú verður aftur skúlarenning.
Vit hava valt at renna fríggjadagin 7. oktober, sum er seinasti skúladagur fyri heystfrítíðina.
Næmingarnir møta klokkan 8 og fáa frí klokkan 11.20.
1. og 2. flokkur sleppa í frítíðarskúla aftaná.
Næmingarnir mugu vera ílatnir til renning.
Um ikki viðrar at renna, verður vanlig skúlagongd. Næmingarnir mugu tí hava skúlataskuna við.

Góða heystfrítíð.
Birgit Arge

22. september 2011

Góðu tit, sum vitja okkara heimasíðu!

Vit bíða eftir einari nýggjari heimasíðu, sum vit hava bílagt. Ímeðan er verandi heimasíða nakað óvirkin. Faldarin er lagdur út her, og í honum ber til at lesa um skúlan, frídagar o.a.
Nýggja heimasíðan verður virkin um nakrar vikur. Vit gleða okkum.

11. august 2011

Skúlin byrjar aftur mánadagin 15. august.
2.-9. flokkur møta klokkan 10.
1. flokkur møtir klokkan 12.

30. juni 2011

Landsroyndin

Úrslitini av landsroyndini 2011 komu ikki fyrr enn beint fyri summarfrítíðina. Tí hava vit gjørt av, at kunningin til foreldrini bíðar til august.

Øllum verður ynskt eina góða summarfrítíð :-)

17. juni 2011

Til næmingar og foreldur

Nú nærkast summarfrítíðin, og sum vant verður seinasta vikan eitt sindur øðrvísi enn vanligt.
Næmingarnir í framhaldsdeildini eru til próvtøku og roynd, og mikudagin 22. juni klokkan 15 verður próvhandan í 9. flokki.

Vikan hjá 1. – 7. flokki sær soleiðis út:

Mánadagin 20. juni verður ítróttardagur. Eins og í fjør verður mini-OL í skúlanum. Nakrir næmingar úr 4. – 7. flokki fara tó oman í Gundadal at sparka.
Allir næmingarnir møta klokkan 8 og eru lidnir umleið klokkan 11.20.

Týsdagurin 21. og mikudagurin 22. eru skemafríir, og tá er tað flokslærarin, sum ger av, hvat flokkurin ger. Tá møta næmingarnir eisini frá 8 til 11.20.

Hósdagurin 23. er seinasti skúladagur. Tá møta øll klokkan 9 og fáa summarfrí umleið klokkan 10.30. 8. flokkur fær støðumetsbók.

1. og 2. flokkarnir hava tó frí til vanliga tíð og kunnu fara í frítíðarskúla eftir skúlatíð. Seinasta skúladag hava tey kortini frí kl 11.20.

Eg skal minna á, skúlamyndirnar eru komnar. Tær kosta 200 kr.

Eisini skal eg minna á, at allar bøkur skulu berast aftur í skúlan. Vinarliga hjálpið børnunum at minnast til koma við teimum.

At enda fari eg at ynskja øllum eina góða summarfrítíð.

Vit síggjast aftur mánadagin 15. august.

Vinarliga

Birgit Arge

15.06.2011

Boð um prógvhandan og skúlamyndir

Prógvhandanin hjá 9. flokkunum verður mikudagin 22. juni klokkan 15 í Hoyvíkshøllini.

Skúlamyndirnar hjá 1., 4., 7. og 9. flokkunum eru komnar. Tær kosta 200 kr.

Vinarliga

Birgit Arge

03.06.2011

Námsfrøðiligur stuðul.

Søkt verður eftir námsfrøðingum til stuðul hjá næmingum við serligum tørvi.

1 námsfrøðing til serstovu við næmingum 1.-4. flokki við autismu: 24 tímar

1 námsfrøðing til serstovu við næmingum 5.-8. flokki við autismu: 26 tímar

1 námsfrøðing til næmingar við autismu: 20 tímar

Starvið er tíðaravmarkað til skúlaárið 2011/2012.

Starvið verður lønt sambært avtalu við avvarandi felag.

Nærri fæst at vita um størvini við at venda sær til skúlastjóran. Freistin at søkja er úti fríggjadagin 10. juni klokkan 12.

Birgit Arge
Postrúm 3073
188 Hoyvík

29.05.2011

Komandi 1. flokkur vitjar.

Mánadagin 30. mai klokkan 17 vitja næmingarnir, sum skulu í fyrsta flokk í august, skúlan og frítíðarskúlan saman við foreldrunum. Vit gleða okkum at hitta okkara komandi næmingar!

Verið vælkomin!

Birgit Arge

26.05.2011

Lærarastørv í Hoyvíkar Skúla

Hesi størv verða lýst leys at seta frá 1. august 2011:

7 lærarar í tíðaravmarkað størv skúlaárið 2011/2012

Tíðaravmarkaðu størvini eru fyri lærarar í farloyvi, lærarar við lækkaðum tímatali, tímar vegna

serligan tørv, tímar í samband við eftirútbúgving og avlopstímar.

Størvini eru fulla tíð. Tó verður endaliga tímatalið av einum starvi ásett 1. september 2011.

Skúlin hevur brúk fyri lærarum, sum kunnu undirvísa:

Í innskúlingini: í støddfrøði, kristni, heimstaðarlæru, donskum og handaverki og list.

Í miðdeildini: í føroyskum, støddfrøði, kristni, donskum, enskum, náttúru og tøkni, søgu, landalæru, handaverki og list og ítrótti.

Í framhaldsdeildini: í føroyskum, enskum, týskum, alis- og evnafrøði, søgu/samtíð, landalæru, støddfrøði, heimkunnleika, tónleiki og ítrótti.

Harumframt tørvar okkum lærarar at undirvísa næmingum við serligum tørvi og

Lærarar, sum kunnu átaka sær flokslærarauppgávuna.

Søkt verður eftir lærarum, sum

Hava læraraútbúgving

Eru sinnaðir at arbeiða í toymum

Ynskja gott samstarv við heimini

Vilja vera við at framhaldandi menna skúlan

Størvini eru lønt sambært avtalu millum Føroya Lærarafelag og Fíggjarmálaráðið í lønarflokkunum

18.1-29.2

Umsóknir við avriti av prógvi, CV og møguligum viðmælum skulu vera skúlastjóranum í hendi

seinast hósdagin 9. juni 2011 klokkan 12.

Hoyvíkar Skúli
Postboks 3073
110 Tórshavn

Nærri fæst at vita um størvini hjá Birgit Arge, skúlastjóra á tlf 302590 ella 227603.

Meira fæst at vita um skúlan á heimasíðuni.

06.05.2011

Várkonsert

Vit fara nú at byrja eina nýggja siðvenju í skúlanum: Mikukvøldið 11. mai klokkan 18.30 verður várkonsert við okkara dugnaligu næmingum. Tónleikaholdini í framhaldsdeildini og aðrir næmingar fara at spæla. Tað verður eisini onkur framsýning og ein drekkamuður.

Verið vælkomin!

Vinarliga

Birgit Arge

24.03.2011

Til næmingar og foreldur í 9. flokki

Várroyndin í 9. flokki verður:

Mánadagin 28. mars:
klokkan 8.15 – 12.15: føroysk framseting

Týsdagin 29. mars:
klokkan 8.15 – 12.15: donsk framseting

Mikudagin 30. mars:
klokkan 8.15 – 12.15: enskt

Hósdagin 31. mars:
klokkan 8.15 – 12.15: greiðslurokning

Fríggjadagin 1. apríl:
   klokkan 8.15 – 9.45: føroysk fyrisøgn og mállæra
   klokkan 10.00 – 11.00: fimisrokning
   klokkan 11.30 – 12.30: donsk fyrisøgn

Næmingarnir skulu møta til royndina og hava frí aftaná. Royndin verður í kirkjuni og í fimleikarhøllini.
9.b og d møta í fimleikahøllini. 9.a møtir í konfirmantastovuni í kirkjuni.

Teldur til várroyndina í framseting í føroyskum, donskum og enskum 2011

Vinarliga fyllið út og latið næmingin hava váttanina aftur seinast hósdagin 24. mars. Um einki svar er komið, rokna vit við, at næmingurin skrivar við hond.
Sí Royndarreglur fyri næmingar, teldur.

Vinarliga

Birgit Arge

21. mars 2011

Til allar næmingar og øll foreldur.

MMR hevur boðið øllum lærarum skúlans til ein kunnandi fund um nýggju námsætlanirnar, sum koma í gildi í august. Fundurin verður mikudagin 23. mars klokkan 13.
Næmingarnir fáa tí frí klokkan 12.35.

Vinarliga

Birgit Arge

Nú verður várroyndin hjá 7. flokki.

Hósdagin 24. mars:
klokkan 8.15 – 10.45: greiðslurokning
klokkan 11.00 – 12.30: donsk diktat og mállæra

Fríggjadagin 25. mars:
klokkan 8.15 - 9.15: fimisrokning
klokkan 9.45 – 11.15: føroysk fyrisøgn og mállæra

Næmingarnir skulu møta til royndina og hava frí aftaná. Royndin verður í fimleikarhøllini.

Gevið gætur:
Næmingarnir eiga at:

Møta stundisliga – í seinasta lagi 10 minuttir, áðrenn royndin byrjar.
Møta á skrivstovuni, um teir eru ov seinir.
Hava øll amboð við sjálvir: blýant, lineal, viskileður, passara og vinkulmátara.
Til greiðslurokning skulu teir eisini hava roknimaskinu.
Vera sitandi alla tíðina, tá ið teir hava føroyska og danska fyrisøgn.
Biðja vaktina um loyvi, um neyðugt er at fara út.

Fartelefonir eru ikki loyvdar.

Vinarliga

Birgit Arge

Várroyndin í 8. flokki verður í viku 12:

Mánadagin 21. mars: klokkan 8.15 – 12.15: greiðslurokning

Týsdagin 22. mars: klokkan 09.45 – 10.45: donsk fyrisøgn
klokkan 11.00 – 12.00: fimisrokning
klokkan 12.30 – 14.00: føroysk fyrisøgn og mállæra

Mikudagin 23. mars: klokkan 8.15 – 12.15: føroysk framseting

Hósdagin 24. mars: klokkan 8.15 – 12.15: enskt

Fríggjadagin 25. mars: klokkan 8.15 – 12.15: donsk framseting

Næmingarnir skulu møta til royndina og hava frí aftaná. Royndin verður í konfirmantastovuni í kirkjuni.
Les royndarreglur her

Vinarliga

Birgit Arge

11. mars 2011

Felags foreldrafundur

Góðu foreldur

Felags foreldrafundur verður í Hoyvíkar Skúla, Pyramiduhøllini mikukvøldið hin 16. mars kl. 19 – 20.30

Skráin verður hendan:

Skúlastýrisforkvinnan bjóðar vælkomin
Skúlastjórin greiðir frá
Skúlastýrisforkvinnan lesur ársfrágreiðingina
Næmingaráðið sigur frá
Tónleikur við næmingum úr framhadsdeildini

Kaffisteðgur

Erika Hayfield hevur fyrilesturin:
”Eg viiiil hava hatta NÚ, babba”, børn og familjur í brúkarasamfelagnum

Vit gleða okkum at síggja tykkum :o)

Blíðar heilsanir vegna skúlastýrið

Bergtóra Høgnadóttir Joensen

10. mars 2011

Til næmingar og foreldur í 4. flokki

Landsroyndin 2011

Landsroyndin verður í viku 11. Í 4. flokki verður royndin hesar dagar:

Mánadagin 14. mars klokkan 8.15 - 9.00: føroyskt, lesa og skilja tekst klokkan 9.30-10.15: føroyskt, fyrisøgn

Týsdagin 15. mars klokkan 8.30 - 9.15: støddfrøði klokkan 9.45 - 10.30: náttúra og tøkni

Landsroyndin verður í skúlastovunum.

Næmingarnir skulu møta seinast klokkan 8.00 báðar dagarnar. Tað er sera umráðandi, at næmingarnir møta til tíðina.

Tá royndin er av báðar dagarnar, verður vanlig skúlagongd.

Hetta skulu næmingarnir hava við:

Føroyskt: Penalarhús við teimum vanligu skriviamboðunum.

Støddfrøði: Penalarhús við teimum vanligu skrivi- og rokniamboðunum og roknibókina.

Náttúra og tøkni: Penalarhús við teimum vanligu skrivi- og rokniamboðunum og náttúru og tøkni bókina.

Tað er ikki loyvt at nýta lummaroknara, og fartelefonin skal vera sløkt.

Tá úrslitini eru okkum í hendi, verða heimini kunnað.

Vinarliga

Birgit Arge

10. mars 2011

Til næmingar og foreldur í 6. flokki

Landsroyndin 2011

Landsroyndin verður í viku 11. Í 6. flokki verður royndin hesar dagar:

Mikudagin 16. mars klokkan 8.15 - 9.00: føroyskt, lesa og skilja tekst klokkan 9.15 - 9.45: føroyskt, mállæra klokkan 10.15 -11.00: føroyskt, fyrisøgn

Hósdagin 17. mars klokkan 8.30 - 9.30: støddfrøði

Fríggjadagin 18. mars klokkan 10.00 - 11.00: náttúra og tøkni

Landsroyndin verður í skúlastovunum.

Næmingarnir skulu møta seinast klokkan 8.00. Tað er sera umráðandi, at næmingarnir møta til tíðina.

Tá royndin er av og áðrenn royndin byrjar fríggjadagin, verður vanlig skúlagongd.

Hetta skulu næmingarnir hava við:

Føroyskt: Penalarhús við teimum vanligu skriviamboðunum.

Støddfrøði: Penalarhús við teimum vanligu skrivi- og rokniamboðunum og roknibókina.

Náttúra og tøkni: Penalarhús við teimum vanligu skrivi- og rokniamboðunum og náttúru og tøkni bókina.

Tað er ikki loyvt at nýta lummaroknara, og fartelefonin skal vera sløkt.

Tá úrslitini eru okkum í hendi, verða heimini kunnað.

Vinarliga

Birgit Arge

28. februar

Til allar næmingar og øll foreldur

Fríggjadagin 4. mars verður føstulávintshald í skúlanum, og tá fara vit at sláa tunnu. Vanliga koma næmingarnir grýluklæddir í skúla, og tað plagar at vera sera stuttligt. Tá vit eru liðug at sláa tunnu, fara vit øll upp á gólv í Hoyvíkshøllini. Vit verða liðug klokkan 11.30.

1. og 2. flokkur sleppa í frítíðarskúla eftir skúlatíð sum vant.

Føstulávintsmánadagur 7. mars er frídagur.

Vinarliga

Birgit Arge

19. januar

Lesiroyndir

Hoyvíkar Skúli er farin undir at gera lesiroyndir við øllum næmingunum í 1. - 5. flokki. Royndirnar koma frá NSR tænastuni og verða gjørdar um heystið í 2., 3., 4. og 5. flokki og um várið í 1., 2., 3. og 4. flokki. Tað eru lesivegleiðararnir í skúlanum, Sóleyð Holm og Bjørg Pállson, sum skipa fyri.

Endamálið við lesiroyndunum er at meta um lesiførleikan og at fylgja lesimenningini hjá tí einstaka næminginum. Læraratoymið í flokkinum fær úrslitið av royndini og ráðgeving frá lesivegleiðarunum um framhaldandi arbeiðið. Royndirnar eru soleiðis eitt gott amboð hjá lærarunum, tá talan er um menning av undirvísingini í lesing í øllum lærugreinum.

Foreldrini verða kunnað á teimum vanligu viðtalunum.

Skúlaárið 2010/2011 vórðu ongar lesiroyndir gjørdar um heystið. Í staðin verða tær gjørdar í januar og so aftur í vár. Um tit hava spurningar, ber til at ringja til skúlan ella senda ein teldupost.

Vinarliga

Birgit Arge

7. januar 2010

Innskriving til 1. flokk.

Felagsinnskriving í Tórshavnar kommunalu skúlar og frítíðarskúla til skúlaárið 2011-2012 verður í býráðssalinum mánadagin 24. og týsdagin 25. januar, báðar dagarnar klokkan 15.00-18.00.
Havið avrit av dóps-/navnabrævi við.

Vinarliga

Birgit Arge

27.des.2010

Jólahaldið hjá 1.-5. flokki.

Jólahaldið, sum varð avlýst tann 16. desember, verður hóskvøldið 6. januar 2011 klokkan 17.30 til 19.30. Skráin er hin sama.

Vælkomin!

Birgit Arge

30. nov. 2010

Boð um jólini 2010.pdf

24. november 2010

Til næmingar og foreldur í 7. flokki

Roynd

Nú verður jólaroyndin hjá 7. flokki.

Mánadagin 29. november:
klokkan 8.15 – 10.45: greiðslurokning
klokkan 11.15 – 12.45: donsk diktat og mállæra

Týsdagin 30. november:
klokkan 9.30 – 10.30: fimisrokning
klokkan 11.00 – 12.30: føroysk fyrisøgn og mállæra

Næmingarnir skulu møta til royndina og hava frí aftaná. Royndin verður í kirkjukjallaranum.
Tey, sum ganga til konfirmatiónsfyrireiking, møta í kirkjuni sum vanligt kl 8 og fara til roynd aftaná.

Gevið gætur:
Næmingarnir eiga at:

   • Møta stundisliga – í seinasta lagi 10 minuttir, áðrenn royndin byrjar.
   • Møta á skrivstovuni, um teir eru ov seinir.
   • Hava øll amboð við sjálvir: blýant, lineal, viskileður, passara og vinkulmátara. Til greiðslurokning skulu teir eisini hava roknimaskinu.
   • Vera sitandi alla tíðina, tá ið teir hava føroyska og danska fyrisøgn.
   • Biðja vaktina um loyvi, um neyðugt er at fara út.

• Fartelefonir eru ikki loyvdar.

Vinarliga

Birgit Arge

16.11.2010

Til næmingar og foreldur í 8. og 9. flokki

Jólaroyndin 2010

8. flokki verður:-

Mánadagin 22. november:
klokkan 8.15 – 12.15: greiðslurokning

Týsdagin 23. november:
   klokkan 8.15 – 9.15: donsk fyrisøgn
   klokkan 09.30 – 10.30: fimisrokning
   klokkan 11.00 – 12.30: føroysk fyrisøgn og mállæra

Mikudagin 24. november:
klokkan 8.15 – 12.15: føroysk framseting

Hósdagin 25. november:
klokkan 8.15 – 12.15: enskt

Fríggjadagin 26. november:
klokkan 8.15 – 12.15: donsk framseting

Næmingarnir skulu møta til royndina og hava frí aftaná. Royndin verður í konfirmantastovuni í kirkjuni.

9. flokki verður:

Mánadagin 22. november:
klokkan 8.15 – 12.15: greiðslurokning

Týsdagin 23. november:
   klokkan 8.15 – 9.45: føroysk fyrisøgn og mállæra
   klokkan 10.00 – 11.00: fimisrokning
   klokkan 11.30 – 12.30: donsk fyrisøgn

Mikudagin 24. november:
klokkan 8.15 – 12.15: donsk framseting

Hósdagin 25. november:
klokkan 8.15 – 12.15: føroysk framseting

Fríggjadagin 26. november:
klokkan 8.15 – 12.15: enskt

Næmingarnir skulu møta til royndina og hava frí aftaná. Royndin verður í kirkjuni og í fimleikarhøllini.

9.a og b møta í kirkjukjallaranum. 9.d møtir í fimleikarhøllini.

Royndarreglur fyri næmingar

Inni í hølinum	Næmingarnir skulu møta stundisliga – í seinasta lagi 10 minuttir, áðrenn royndin byrjar. Møta á skrivstovuni, um teir eru ov seinir.
	Næmingurin skal vera sitandi alla tíðina, meðan royndin fer fram. Skal biðja um loyvi við at rætta hondina upp, um neyðugt er at fara út.
At hava við	Næmingarnir skulu hava øll amboð við sjálvir: skriviamboð, lineal, viskileður, passara og vinkulmátara. Til greiðslurokning skulu teir eisini hava roknimaskinu.
Orðabøkur o.a.	Tað er loyvt at brúka orðabøkur til føroyskt, danskt og enskt. Til greiðslurokning er loyvt at brúka Handbók í støddfrøði. Skúlin eigur ikki nóg nógvar bøkur til øll. Um tit eiga bøkurnar heima, hevði tað verið gott, um tit tóku tær við.
Teldur	Í reglugerð frá Mentamálaráðnum er ásett, at tað er loyvt at nýta teldur til royndirnar í 9. flokki. Næmingarnir í framhaldsdeildini hava møguleika at nýta egna teldu til royndirnar. Hetta er eitt tilboð, og tað ber sjálvandi eisini til at skriva við hond. Skúlin eigur ov fáar teldur til øll. Tí er neyðugt, at so nógvir næmingar sum gjørligt nýta egna teldu og løðara. Forritini, sum kunnu nýtast eru Open Office og Microsoft Office. Tað er loyvt at hava telduorðabøkur og rættstavara sum forrit í telduni. Tit mugu sjálv tryggja, at tey neyðugu forritini liggja á telduni. Til royndirnar fáa næmingarnir ein geyma við skabelón til tekstirnar, sum royndarsvarið verður lagt á. Vaktirnar í royndarhølunum prenta stílin út á pappír. Skúlin skipar fyri atgongd til elnetið, meðan royndirnar eru. Teksturin verður skrivaður við “Times New Roman”. Yvirskrift við stødd 16 og teksturin annars við stødd 14. Reglumillumrúm skal vera 1,5. Næmingurin hevur sjálvur ábyrgdina av telduni.
Ikki loyvt	Tað er ikki loyvt at hava fartelefon, iPod, MP3 spælara og líknandi við inn í royndarhølið.
	Tað er ikki loyvt at tosa saman ella geva tekn.
	Brot á reglurnar hevur við sær, at næmingurin verður burturvístur.

Vinarliga
Birgit Arge

14.november 2010

Hevað vegamót

Tórshavnar kommuna hevur broytt vegmótini undir skúlanum fyri at gera skúlavegin tryggari. Vegamótini eru hevaði og 30 km/t zona er ásett.

19. okt. 2010

Lesiløta í Hoyvíkar Skúla

Frá 25. okt. til 18. nov. skipar skúlin aftur fyri eini Lesiløtu. Les meira her

Vinarliga
Birgit Arge

5. oktober 2010

Til allar næmingar og øll foreldur

Skúlarenning

Góðu næmingar og foreldur.
Nú verður aftur skúlarenning. Vit hava valt at renna fríggjadagin 8. oktober, sum er seinasti skúladagur fyri heystfrítíðina.
Næmingarnir møta klokkan 8 og fáa frí klokkan 11.20. 1. og 2. flokkur verða tó lidnir til vanliga tíð og sleppa í frítíðarskúla aftaná.
Næmingarnir mugu vera ílatnir til renning.
Um ikki viðrar at renna, verður vanlig skúlagongd. Næmingarnir mugu tí hava skúlataskuna við.

Góða heystfrítíð.
Birgit Arge

5. okt.2010

Samrøðubløðini.

Í hesi vikuni geva flokslærararnir næmingunum samrøðubløðini til viðtalurnar við heim. Flokslærarin gevur boð um, nær tey skulu vera inni aftur.

Vinarliga
Birgit Arge

Skúlagongdin byrjar aftur mánadagin 16. august.

2. - 9. flokkarnir møta kl. 9.00.

1. flokkur møtir kl. 11:00 í Pyramiduhøllini.

Frítíðarskúli fyri 1. og 2. flokk er eftir skúlatíð.

Vælkomin í skúla!

Vinarliga
Birgit Arge

14. juni 2010

Til allar næmingar og øll foreldur
um tíðina fram til summarfrítíðina

Nú nærkast summarfrítíðin, og sum vant verða ymiskar broytingar í tímatalvuni. Soleiðis sær restin av juni mánaði í skúlanum út:
16. og 17. juni: Seinastu royndirnar hjá 8. flokki
Frá hósdegi 17. juni er evnið “Ókendu Føroyar” har dentur verður lagdur á kreativitet.
Mánadagin tann 21. fara vit øll ein túr. Um tað ikki viðrar, so fara vit týsdagin. Næmingarnir mugu tí hava matpakka og okkurt at drekka við í skúla.
Mikudagin 23. verður ítróttardagur, og tá mugu næmingarnir verða ílatnir til ítrótt.
Hósdagin 24. juni er tónleikur á skránni.
Fríggjadagin 25. juni er seinasti skúladagur. Tá siga vit farvæl við 7.b, sum flytur niðan í Skúlan við Løgmannabreyt.

Seinastu tíðina møta næmingarnir soleiðis:
Hósdagin 17. juni: 8.00 – 12.00
Fríggjadagin 18. juni til hósdagin 24. juni: 8.00 – 11.20
Fríggjadagin 25. juni: 9.00 – 10.30
1. og 2. flokkur møtir og fær frí sum vant. Frítíðarskúlin er opin sum vant.

GG!
Allar bøkur skulu nú berast aftur.
7. og 6. flokkur: týsdagin 15. juni
5. flokkur: mikudagin 16. juni
4. flokkur. hósdagin 17. juni
3. og 8. flokkur: fríggjadagin 18. juni
1. og 2. flokkur: mánadagin 21. juni

Myndir:
Nú eru skúlamyndirnar komnar. Næmingarnir fáa myndirnar við at venda sær til skrivstovuna við pengum. 1. flokkur fær myndina frá flokslæraranum, tá myndir verður goldin.
Kostnaðurin er: 1., 4. og 7. flokkur: 200 kr.
8. flokkur: 50 kr

At enda fari eg at ynskja øllum eina góða summarfrítíð! Vit síggjast aftur 16. august.

Vinarliga
Birgit Arge

21. mai 2010

Felags foreldrafundur í Hoyvíkar Skúla hósdagin 27. mai kl. 19

Góðu foreldur

Komandi hóskvøld klokkan 19 verður árligi felagsforeldrafundurin í Pyramiduhøllini í Hoyvíkar Skúla.

Á skránni verður:

• Komandi skúlaár - Birgit Arge, skúlastjóri greiður frá • Ársfrágreiðing – Bergtóra Høgnadóttir Joensen, forkvinna í Skúlastýrinum • Nærvera – fyrilestur við Jógvan Fríðrikssyni, bispi • Drekkamunnur • Tónleikaholdið í 8. flokki framførir

...Og sjálvandi fáa tit eisini høvi at seta spurningar.

Vit gleða okkum at síggja tykkum!

Blíðar heilsanir

Bergtóra Høgnadóttir Joensen forkvinna, vegna Skúlastýrið í Hoyvíkar Skúla

6. mai 2010

Stuðulsstørv

2 størv verða leys at seta frá 1.august 2010 til næmingar við serligum tørvi.

Fyrimun hava umsøkjarar við námsfrøðiligari útbúgving og royndum.

Løn sambært sáttmála við avvarandi yrkisfelag.

Umsóknin skal sendast til Hoyvíkar Skúla, postboks 3073, 110 Tórshavn, seinast 20 mai 2010.

Meira fæst at vita um størvini og skúlan við at venda sær til skúlastjóran, Birgit Arge á telefon 302590 ella 227603.

1. mars 2010

Til øll foreldur í Hoyvíkar Skúla

Góðu tit.

Mentamálaráðið hevur álagt fólkaskúlanum at spara í verandi skúlaári. Sparingin skal fremjast við at minka um tímajáttanina fyri tíðarskeiðið 1. mars – 31. juli 2010 við 2 % ella fyri okkara viðkomandi 14 tímum um vikuna.

Vit hava bara ein møguleika at spara og tað er við at skerja vikartímajáttanina. Hetta eru tímar, sum verða nýttir fyri lærarar vegna sjúku ella skeið.

Vit hava tí avlýst øll skeið hjá lærarunum restina av skúlaárinum.

Eg vil við hesum brævi kunna tykkum um, at eingin lærari verður settur inn vegna sjúku restina av skúlaárinum.

Næmingar í 1. – 4. flokki verða ikki sendir heim, um lærari er sjúkur, men verða ansaðir í skúlanum.

Næmingar í 5. - 8. flokki fáa frí, men verða verandi í skúlanum. Um frítímin er seinasti tími, sleppa næmingarnir heim.

Tað harmar meg at koma við hesum boðum, men hetta er okkara einasti háttur at fremja álagdu sparingar.

Vinarliga

Birgit Arge

Hoyvík 12. februar 2010

Innbjóðing til næmingar og foreldur í 7. flokki

Nú er tíð at velja lærugreinar til 8. flokk komandi skúlaár.

Sum áður kunnað, flytur núverandi 7.b í Hoyvíkar Skúla niðan í Skúlan við Løgmannabreyt í august 2010.

Tá verða tveir 8. flokkar í Skúlanum við Løgmannabreyt og ein 8. flokkur í Hoyvíkar Skúla.

Leiðslurnar í báðum skúlunum hava gjørt av at samstarva um framhaldsdeildirnar í Hoyvík. So fáa vit eitt størri næmingagrundarlag at arbeiða við, og næmingarnir hava betri møguleika at fáa tær vallærugreinar, sum teir ynskja.

Tann kunnandi fundurin um 8. flokk verður tí felags fyri allar tríggjar 7. flokkarnar.

Fundurin verður hóskvøldið 18. februar klokkan 19 í Skúlanum við Løgmannabreyt.

Vinarliga

Birgit Arge Høgni Joensen
Hoyvíkar Skúli Skúlin við Løgmannabreyt

11. februar 2010

Til allar næmingar og øll foreldur

Mánadagin 15. februar er føstulávintsmánadagur, og tá fara vit at sláa tunnu. Vanliga koma næmingarnir grýluklæddir í skúla, og tað plagar at vera sera stuttligt.

Tá vit eru liðug at sláa tunnuna, fara vit øll upp á gólv í Hoyvíkshøllini.

Vit verða liðug klokkan 11.30.

1. og 2. flokkur sleppa í frítíðarskúla eftir skúlatíð sum vant.

Týsdagurin 16. februar er frídagur.

Vinarliga

Birgit Arge

30. november 2009

Góðu næmingar og foreldur

Nú nærkast jólini, og sum vant eru onkrar broytingar í tímatalvuni. Her er eitt yvirlit yvir desember í skúlanum og kunning um, nær jólahaldini verða.

Týsdagin 1.desember: Vit gera jólaprýði og prýða skúlan. Allir næmingar eiga at hava saks og límstift við í skúla.

2. - 14.desember: Vanlig skúlagongd.

Týsdagin 15. desember: Øll møta klokkan 8.00-11.20.

Mikudagin 16. desember: Øll møta klokkan 8.00-11.20.

Klokkan 18.00-20.00: Jólahald fyri næmingar, foreldur og systkin í 5.-8. flokki.

Hósdagin 17.desember: Klokkan 8.00-10.00: Jólatræ fyri næmingar í 5.-8. flokki. Vit dansa jólatræ, og jólamaðurin vitjar!

Klokkan 11.00-13.00: Jólatræ fyri næmingar í 1.-4. flokki. Vit dansa jólatræ, og jólamaðurin vitjar enn einaferð!

Klokkan 17.30-19.30: Jólahald fyri næmingar, foreldur og systkin í 1.-4. flokki. Jólahaldið í 1. og 2. flokki er skipað saman við frítíðarskúlanum.

Fríggjadagin 18.desember: Øll møta klokkan 9.30. Klokkan 10 fara vit til jólaguðstænastu í Hoyvíkar Kirkju. Og so hava næmingarnir jólafrí.

1. og 2. flokkur sleppa í frítíðarskúla eftir skúlatíð allar dagarnar.

Seinni fáa tit ein faldara við nærri upplýsingum um jólahaldini.

Vinarliga

Birgit Arge

Hoyvík 1. oktober 2009

Til allar næmingar og øll foreldur

Skúlarenning

Nú verður aftur skúlarenning.
Fyrr hava vit runnið fríggjadagin beint fyri heystfrítíðina, men ofta hevur hetta verið ein sera vátur og kaldur dagur...
Í fjør valdu vit at renna ein góðan dag í vikuni fyri heystfrítíðina. Hetta eydnaðist væl, og tí fara vit at nýta sama háttin í ár.

Tvs: Er veðrið gott mánadagin 5. oktober, so renna vit tá. Annars nýta vit tann fyrsta góða dagin, sum verður. Tí mugu næmingarnir vera ílatnir til renning, til vit hava runnið.

Til gongu í skúla
Vit hava fyrr heitt á næmingarnar um at koma aftur og fram í skúla til gongu sum liður í venjing til skúlarenningina. Hetta hevur virkað væl.

Í ár fara vit aftur at heita á tykkum foreldur um at lata næmingarnar ganga í viku 41. Summi koma í skúla á súkklu. Tað er sjálvandi tykkara ábyrgd, men eg skal minna á, at vanliga siga vit, at næmingar ikki klára seg í ferðsluni á súkklu, fyrr enn teir eru um 10 ára aldur. Súkklurnar skulu læsast, og næmingarnir hava sjálvir ábyrgdina av súkkluni.

Tann dagin vit renna, eru næmingarnir í skúla frá 8.00 - 11.20.
1. og 2. flokkur eru tó lidnir til vanliga tíð og fara í frítíðarskúla aftaná.

Vinarliga

Birgit Arge

12. august 2009

Skúlin byrjar aftur mánadagin 17. august 2009.

Lærararnir møta klokkan 8.00.
2.-7. flokkur møtir klokkan 9.00.
1. flokkur møtir klokkan 11.00.
8. flokkur møtir klokkan 13.00.

Øll møta í Pyramiduhøllini í høvuðsbygninginum.

Væl aftur komin!

Vinarliga

Birgit Arge

10. juni 2009

Til allar næmingar og øll foreldur um tíðina fram til summarfrítíðina

Nú nærkast summarfrítíðin, og sum vant verða ymiskar broytingar í tímatalvuni. Soleiðis sær restin av juni mánaði í skúlanum út:

15. og 16. juni: 7. flokkarnir hava roynd. Øll hini møta sum vanligt, uttan so at lærararnir í flokkunum hava givið onnur boð.

18. juni til 24. juni er skemafrí vika, sum í ár hevur heitið “Evnisvika við denti á rørslu” Læraratoymini skipa fyri í sínum flokkum, tó er hetta felags:

Næmingarnir møta hvønn dag frá 8.00-12.00

Fríggjadagin 19. juni er ítróttardagurin, har 4.-7. flokkur sparkar í Gundadali. 1.-3. flokkur hevur ítróttardag í skúlanum.

Mánadagin 22. juni fara vit ein felags túr. Um tað ikki viðrar, tvs um tað regnar, so fara vit týsdagin ella mikudagin. Næmingarnir skulu vera ílatnir at ganga, hava matpakka við og okkurt at drekka.

Hósdagin 25. juni er seinasti skúladagur og vit fara at siga farvæl við 3 flokkar, sum flyta niðan í Skúlan við Løgmannabreyt. Tá eru vit í skúla frá 9 til 12.

GG!!!
Bókaafturbering
Allar tær læntu bøkurnar skulu berast aftur í viku 25.
Mánadagin 15.06: 6. flokkur
Týsdagin 16.06: 4. og 5. flokkur
Mikudagin 17.06: 3. og 7. flokkur
Hósdagin 18.06: 1. og 2. flokkur

At enda fari eg ynskja øllum eitt gott summar og eina góða summarfrítíð!

Vinarliga

Birgit Arge

16.mai 2009

Bjóðað

verður til foreldrafund fyri øll foreldur at næmingum í Hoyvíkar Skúla
týsdagin 19.05.09. kl 19.00

Skrá:

• Bjóðað verður vælkomin.
• Ársfrágreiðingin fyri skúlaárið 2008/2009 verður lisin

• Bjørghild Djurhuus, skúlaheilsufrøðingur heldur fyrilestur við heitinum:
Børn og trivnaður
• Rúmligheit
• Fyrimyndir
• Viðurkenning
• At kenna seg: hoyrdan, virdan, sæddan, elskaðan

Spurningar, stegður og hereftir

Tannáringar ein rembingartíð

• Hvussu umstilla foreldur seg til tað?
• Alt sum rørir seg í verðini hjá tannáringinum – eisini teldur og fartelefon

Spurningar

Ársfrágreiðingin fæst á fundinum og verður løgd út á heimasíðu skúlans eftir fundin.

Vinarliga

Vegna Skúlastýrið í Hoyvíkar skúla
Turið Hentze Magnussen, forkvinna

30. mars 2009

Til næmingar og foreldur í 4., 5., 6. og 7. flokki

Altjóða Frásøgudagur

Í morgin týsdagin 31. mars eru næmingarnir bodnir í Norðurlandahúsið til Altjóða Frásøgudag.

Tiltakið fyri 4. flokk byrjar klokkan 10.15, so hetta er í vanligu skúlatíðini.

Tiltakið fyri 5., 6. og 7. flokk byrjar klokkan 13. Av tí at summir flokkar hava frí klokkan 13.15, verður frásøguløtan sostatt eftir skúlatíð. Vit fara kortini at biðja øll koma við. Í staðin fyri fáa teir flokkarnir frí seinasta tíman fríggjadagin 3. apríl.

Um veðrið er til vildar, fara næmingarnir oman til gongu. Tí mugu øll vera ílatin at ganga.

Vinarliga

Birgit Arge

18. februar 2009

Til allar næmingar og øll foreldur

Mánadagin 23. februar er føstulávintsmánadagur, og tá fara vit at sláa tunnu. Vanliga koma næmingarnir grýluklæddir í skúla, og tað plagar at vera sera stuttligt. (Sí myndir frá 2008)

Tá vit eru liðug at sláa tunnuna, fara vit øll upp á gólv í Hoyvíkshøllini.

Vit verða liðug klokkan 11.20.

Týsdagurin 24. februar er frídagur.

Vinarliga

Birgit Arge