Virkisætlan ímóti happing

Vit í Gøtu skúla góðtaka ikki happing. Ein og hvør lærari, sum varnast happing, hevur skyldu at boða flokslæraranum frá.

Flokslærarin skal:

·        Boða skúlaleiðsuni frá.

·        Kalla inn til toymisfund.

·        Lýsa støðuna í flokkinum fyri toyminum.

·        Skipa fyri flokssamrøðu (sí bók: Klassemødet, Helle Højby). *

·        Skipa fyri einstaklinga samrøðum í flokkinum. Foreldur/verjar skulu verða kunnað um, at trivnaðurin í flokkinum verður kannaður.

·        Skipa fyri foreldraviðtalu við foreldur at offri og við foreldur at happara/-um hvør sær. Skúlaleiðsla og toymi skulu vera við til hesar fundir.

·        Floksfundir verða javnan hildnir.

·        Lærararnir, sum hava flokkin, verða kunnaðir um tað, sum kemur fram á floksfundunum, so teir vita, hvat rørist í flokkinum.

·        Toymið eftrimetir, tá ein tíð er farin.

Í sera álvarsligum happingarstøðum, kann happarin verða fluttur í annan skúla.

* Flokslærarin skipar fyri flokssamrøðuni, men kann um neyðugt fáa hjálp frá øðrum.