Sorgarætlan fyri Gøtu Skúla

1.     Deyði hjá foreldrum og systkjum.

2.     Sjúka við deyða sum fylgi hjá foreldrum.

3.     Tíðin eftir deyðan.

4.     Sjúka við deyða sum fylgi hjá næmingi.

5.     Deyður lærari.

1.

Deyði hjá foreldrum og systkjum:

• Flokslærarin kunnar leiðsluna og lærarar um tilburðin
• Flaggið verður vundið á hálva stong
• Flokslærarin kunnar flokkin um tilburðin og tosar um andlátið
• Um systkin eru í øðrum flokkum, verður felags mannagongd fylgd í øllum avvarðandi flokkum
• Greiða næmingunum frá, at sinnalagið hjá barninum, sum hevur mist/ber sorg, er ójavnt.
• Vera um næmingin ta fyrstu tíðina aftaná.

2.

Sjúka við deyða sum fylgi hjá foreldrum:

• Flokslærarin/toymið tosar við avvarðandi og kunnar seg um støðuna
• Í samráð við heimið, kunnar flokslærarin/toymið flokkin um støðuna
• Greiða næmingunum frá, at barnið, sum hevur sjúk foreldur/ber sorg, hevur skiftandi sinnalag/atburð
• Hevur næmingurin onnur systkin í skúlanum, tosa allir lærarnir saman um støðuna
• Kunna næmingarnar um sjúkuna við at greiða teimum frá øðrum líknandi tilburðum, brúka ymiskt tilfar í undirvísingini, sum hóskar til akkurát hendan tilburðin
• Lærarin kann kunna seg hjá bókavørðinum um tilfar.

3.

Tíðin eftir deyðan

• Tíðin eftir deyðsfallið kennist tung og krevjandi fyri tey avvarandi. Stutt sagt: Lívið steðgar upp.
• Sorgin er ikki av eftir jarðarferðina, heldur tvørturímóti.
• Tíðin er døpur og orkukrevjandi hjá teimum avvarandi. Hetta sæst aftur hjá næminginum m.a. við einsemi og manglandi motivation.
• Umráðandi er, at næmingarnir í flokkinum eru kunnaðir um truplu støðuna hjá floksfelaganum

Áftaná eina tíð eigur flokslærarin/toymið saman við heilsusystrini at meta um tørvin hjá barninum.

·        (skal barnið hava sakkøna hjálp?)

4.

Sjúka við deyða sum fylgi hjá næmingi

Hevur næmingurin verið leingi sjúkur

• Eggja børnunum í samráð við avvarandi foreldrum at vitja sjúka barnið
• Flokslærarin boðar leiðsluni frá, leiðslan kunnar lærarnar um støðuna
• Flokslærarin/toymið kunna flokkin
• Eitt ljós verður tendrað við borðið hjá deyða næminginum
• Flokslærarin saman við foreldrunum skipar fyri, at børnini fara at fylgja og vísa samkenslu við blómum, sangi ella/og tekningum
• Leiðslan kunnar næmingarnar um deyðsfallið til morgunsang
• Saman við kunningini fylgir eitt ritual.
• Flaggið verður vundið á hálva stong.

Doyr næmingurin brádliga

• Flokslærarin/toymið setur seg í samband við heimið fyri nágreiniliga at fáa at vita, hvat er hent, og hvussu støðan er
• Flokslærarin/toymið kunnar flokkin og lærararnar
• Morgunin eftir ella so skjótt til ber, kunnar leiðslan allar næmingarnar um hendingina og greiðir somuleiðis frá, hví flaggað verður á hálvari stong
• Saman við kunningini fylgir eitt ritual
• Umráðandi er, at næmingarnir í flokkinum fáa høvi at tosa um hendingina; tí er neyðugt, at flokslærarin er saman við næmingunum tann dagin, fyri betur á henda hátt at kunna práta, spyrja og vísa kenslur
• Lærarin saman við foreldrunum skipar fyri, at børnini fara at fylgja og vísa samkenslu við blómum, sangi ella/og tekningum
• Næmingarnir gera eina minningarbók um næmingin, sum heimið fær
• Eitt ljós verður tendrað við borðið hjá deyða næminginum
• Vitja á grøvini.

5.

Tá lærari doyr

• Leiðslan kunnar lærarar og næmingar til morgunandaktina og hevur eitt ritual
• Flaggið verður vundið á hálva stong
• Geva familjuni tilsøgn um hjálp til ervið.