Atferðarreglur fyri Gøtu Skúla

Í Gøtu skúla vilja vit skapa karmar fyri trivnaði og góðum læriumstøðum, sum gera, at trygt og gott er at vera í Gøtu skúla.

Uppmøting

☺Vit møta rættstundis, úthvíld og vælfyrireikað í skúla.

☺Eftir fráveru skulu næmingarnir hava undirskrivaðan seðil við heimanífrá fyrsta skúladag, teir eru aftur í skúla. Við longri afturvendandi fráveru kann læknaváttan verða kravd.

Fríkorter

☺Næmingarnir skulu vera á skúlans øki í skúlatíðini.

☺Næmingarnir eru úti í fríkorterinum, um veðrið er tilvildar.

☺Alt spæl, bæði úti og inni, eigur at vera so, at tað ikki er nøkrum til ampa.

☺Lærarar hava umsjón við næmingunum í skúlatíðini.

Til og frá skúla

☺Næmingarnir eiga at vísa ansni í ferðsluni og at brúka endurskin.

☺Næmingar, yngri enn 10 ár, eiga ikki at  koma í skúla á súkklu.

Annað

☺Næmingarnir lata seg úr skónum í ytru gongini.

☺Næmingarnir skulu ikki hava lutir við sær í skúla, sum kunnu órógva undirvísingina, vera vandamiklir ella vera øðrum til ampa.

☺Fartelefon skal ikki nýtast í skúlanum. Korttelefon er á skúlanum.

☺Øll eiga at fara væl um og taka upp eftir sær.

Vinarliga

Skúlastýrið fyri Gøtu skúla