Menningarætlan fyri serundirvísing

Støðulýsing

                 Hvar eru vit stødd nú?

Sum nú er, brúka vit teir miðfirraðu tímarnar til at stuðla inni í flokkinum, har tørvur er á stuðli. Tímarnir verða lagdir á tímatalvuna, og liggja fast fyri eitt heilt skúlaár. Til tíðir verða tímarnir brúktir inni í flokkinum, og  aðrar tíðir til ein bólk.

Tað góða avrikið

                 Tað er væleydnað, tá ið…..

Næmingurin verður møttir á tí støðið, hann er á, og at hann verður lyftur upp/hjálptur upp á eitt hægri støðið

Næmingurin kennir, at hann, hóast stuðul, kennir/følir seg sum ein part av flokkinum.

Lærarin, næmingurin og heimið samstarva, og halda tær avtalur, gjørdar verða.

Mál

                 Hvat vilja vit náa?

Út frá tí støðið næmingurin er á, seta vit okkum mál at arbeiða fram ímóti.

Okkara mál er til allar tíðir at hjálpa næminginum at gerast betur t.d. at lesa, skriva og rokna.

Hetta verður gjørt við, at vit alla tíðina seta okkum mál, og við jøvnum millumbili eftirmetam,  um málið er nátt.

Onnur mál eru,  sum bert kunnu metast um, tað kundi m.a. verið arbeiðslag, ábyrgd av egnari læring, ganga undir felags avgerðir.

Virksemisætlan

                 Hvat skulu vit gera til tess at náa málinum?

Við at brúka teir miðfirraðu tímarnar til at stuðla, har tørvur er á stuðli. Tað kann vera fyri eitt styttri ella longri tíðarskeið. Til tíðir eiga tímarnir at verða brúktir til einstakan næming, og aðrar tíðir til ein bólk.

Týdningarmikið er,  at tað er neyvt samstarv millum lærara, stuðulslærara, næming og heim.

Lærarin ger virksemisætlan fyri teir miðfirraðu tímarnir og tann einstaka næmingin/bólkin.

Í virksemisætlanini verður ásett, hvussu ásettu málini verða rokkin, og ein arbeiðsætlan verður gjørd, til tess at náa málini og tey góðu avrikini.

Týdningarmikið er, at tað verður eftirmett javnan.

Eftirmetingarætlan

                 Hvussu skulu vit eftirmeta

Fyrireiking og eftirmeting av tímunum (skeiðunum) fer fram í samstarvi millum heim og skúla. Alt eftir, hvørji øki verða eftirmett, kann talan her vera um :

·        Kanningar við spurnarbløðum

·        Samrøður við foreldur og næming

·        Næmingaroyndir

Tað er lærarin í teimum miðfirraðu tímunum, ið hevur ábyrgdina av eftirmetingini.

Ásetingar úr Fólkaskúlalógini

                 § 4, Stk. 3. og Stk. 4.

                 § 21.

                 § 22.

                 § 27. stk. 6.

                 Kunngerð um flokslæraran § 4, stk. 3.