Hvat er FIRST LEGO League?

First Lego League er ein kapping, har ung fólk kappast um at byggja robottar úr Lego, og programmera teir at gera ymsar uppgávur. Kappingin í Føroyum er ein av fleiri 100, sum eru samstundis um allan heimin. Vinnandi liðið luttekur í norðurlendsku kappingini.

Kappingin er sera fjølbroytt! Luttakararnir skulu m.a. byggja ein robott úr Lego, sum so skal programmerast til at gera nakrar uppgávur á einum borði. Liðini kappast tvey og tvey, inntil ein vinnari er funnin.

Umframt sjálva robottkoyringina skulu luttakararnir eisini have eitt show, hava eina ástøðiliga framløgu og annað um eitt ávís evni.

Virðislønir
Í alt eru 7 virðislønir, stór Legosteyp, sum kappast verður um. Virðislønirnar verða givnar fyri innlit í evnið fyri kappingina, samstarv í bólkinum, tøknikunnleika til bygging og programmering av robottinum, fyri framførslu og til nummar eitt og tvey í sjálvari tólmenniskappingini. Tann 7. virðislønin er til tann bólkin, sum hevur víst bestu úrslitini, besta hegni, samstarv og kunnleika í allari kappingini, og verða tey føroyameistara í FFL  og føroysk umboð í norðurlendsku finaluna

Les meir um FLL á  www.hjernekraft.org og www.nvd.fo